26 爱过（1/2）

週末晚，蓝拖着行李喼落机，但不愿归家，直接推开酒吧门，漫无目的在吧枱前坐下，点了一杯gintonic，无聊地找寻小食碗中花生⋯⋯

酒吧老闆是相识廿多年死党豪，前来与蓝打招呼⋯⋯

豪（热情拍膊头）：蓝！又嚟探我啊！呢排见你成日落嚟？好得闲？

蓝（落莫神伤）：妖！呢期超忙啊！啱啱飞完纽约，啱啱落机之嘛……

豪（眉毛一扬）：咁有我心？做嘢唔顺利呀？

蓝（茫然叹气）：你都傻嘅！我啱啱接咗单大野，预计忙到出年年头添⋯⋯

豪（蛊惑神情窃笑）：哦！收到风，你同青散咗喎！算啦！搵过第二个啦！

蓝（忟憎嬲怒）：痴线！话搵就搵到啦？今次唔同架，今次真係好伤呀！

豪（收敛笑容）：係啦！知道你唔开心，同你咁多年兄弟，一句到尾：不要伤害真心爱自己果个⋯⋯唉！点知比我依把乌鸦口讲中，真係超hurt!

蓝瞪豪一眼警吿他立刻收声。

豪（缩膊吐舌头）：好啦！今个round我请你饮酒，你钟意饮啲乜嘢，随便叫啦！

蓝凝望玻璃架上林林总总的酒樽，托头皱眉回想道：啊！你哋有冇一隻冰岛既potdistilledgin酒？